Single Post

Dövlət Şəhərsalma və Arxitektura Komitəsi yanacaq və elektrik doldurma məntəqələrinin layihələndirilməsinə dair yeni normativləri təsdiqləyib. Kollegiyanın sədri Anar Quliyevin imzaladığı qərara əsasən, yol ötürücülərinin üzərində və altında yanacaqdoldurma məntəqələrinin yerləşdirilməsi qadağan olunur.

Yeni qaydalara görə, elektrik doldurma stansiyalarının gücü və sayı ölkədə elektrik avtomobillərinin mövcud səviyyəsi və gələcək artım proqnozları nəzərə alınmaqla müəyyən ediləcək. Həmçinin yanacaq və elektrik doldurma məntəqələrinin tutumu və bir-birindən məsafəsi nəqliyyat axınının intensivliyinə uyğun planlaşdırılacaq.

Qərara əsasən, sənədin Hüquqi Aktların Dövlət Reyestrinə daxil edilməsi məqsədilə Komitənin Ümumi işlər və ictimaiyyətlə əlaqələr şöbəsi ilə Hüquq şöbəsinə üç iş günü ərzində Ədliyyə Nazirliyinə təqdim olunması tapşırılıb.

Həmçinin maye mühərrik yanacaqlı yanacaqdoldurma məntəqəsinə əlavə tələblər müəyyənləşdirilib.

Qaynaq.